Mae’n bleser gan Sacyr rannu diweddariad gan Sied Dynion Llys-faen, elusen leol sydd wedi bod yn gwneud gwahaniaeth cadarnhaol i iechyd meddwl a llesiant dynion yn y gymuned dros y bum mlynedd ddiwethaf. 

Gan weithio o gaban a chynhwysydd ym maes parcio Tŷ Mawr Inn, mae Sied Dynion Llys-faen yn wynebu dyfodol ansicr ar hyn o bryd o ran ei safle. Mae les bresennol y grŵp wedi’i chyfyngu i bum mlynedd, a cheir cyfnod rhybudd o fis, a allai olygu y byddai angen iddynt symud i leoliad arall unrhyw bryd. Er mwyn sicrhau dyfodol yr elusen ar gyfer y tymor hir mae ymdrechion sylweddol yn mynd rhagddynt, tra bo trafodaethau yn parhau gyda Chyngor Caerdydd ynghylch lleoliad newydd posibl. 

Mae’r ansicrwydd hwn yn rhoi pwysau ar sefyllfa ariannol yr elusen, gan fod adnoddau y byddent fel arfer yn cynorthwyo gweithrediadau dydd-i-ddydd yn cael eu cyfeirio’n gynyddol tuag at sicrhau cartref parhaol. O ganlyniad, mae’r sefydliad yn wynebu heriau wrth gynnal gweithgareddau sy’n ganolog i brofiad ei aelodau, gan gynnwys teithiau cymunedol, darparu trafnidiaeth, a chynnal a chadw ac adnewyddu offer a pheiriannau gwaith coed. 

Mae’r elusen hefyd wedi nodi sawl gofyniad o ran hyfforddiant sy’n hanfodol i sicrhau diogelwch a chynaliadwyedd ei wasanaethau. Mae’r rhain yn cynnwys hyfforddiant Cymorth Cyntaf ar gyfer tri aelod trwy’r Groes Goch Brydeinig. 

Sefydlwyd Sied Dynion Llys-faen i gynnig amgylchedd diogel a chroesawgar lle gall dynion gyfarfod, meithrin cyfeillgarwch a chynorthwyo ei gilydd trwy gyfrwng cwmnïaeth a gweithgareddau ar y cyd. Wrth i Dde Cymru brofi rhai o’r cyfraddau uchaf o hunanladdiad ymhlith gwrywod yn y DU, cenhadaeth y Sied yw helpu i oresgyn arwahanrwydd, unigrwydd ac iechyd meddwl gwael trwy greu cyfleoedd i ddynion gysylltu “ysgwydd wrth ysgwydd” wrth iddynt gymryd rhan mewn prosiectau gwaith coed ymarferol. 

Mae amgylchedd y gweithdy yn annog sgwrsio, chwerthin, cydgefnogaeth a rhannu profiadau mewn lleoliad anffurfiol a digyffro. Mae nifer o aelodau yn canfod bod gweithio gydag eraill yn eu helpu i siarad yn agored am heriau na fyddent, o bosibl, yn eu trafod fel arall, gan gyfrannu at lefelau llesiant gwell, cysylltiadau cymdeithasol cryfach a mwy o ymdeimlad o berthyn. 

Er gwaethaf yr heriau sy’n gysylltiedig â sicrhau safle parhaol newydd, mae Sied Dynion Llys-faen yn parhau i fod yn ymrwymedig i’w chenhadaeth ac mae’n parhau i ddarparu adnodd cymunedol gwerthfawr. Bydd ymdrechion codi arian parhaus yr elusen a’i buddsoddiad mewn hyfforddiant yn cyflawni rôl hanfodol wrth sicrhau ei bod yn gallu parhau i gynorthwyo dynion lleol a hyrwyddo canlyniadau iechyd meddwl cadarnhaol ar draws y gymuned am flynyddoedd i ddod. 

Mae Sacyr yn dymuno pob llwyddiant i’r tîm wrth iddynt weithio tuag at sicrhau eu dyfodol a pharhau eu cyfraniad pwysig i lesiant cymunedol.

Yn ystod y mis diwethaf, ymunodd yr Academi Entrepreneuraidd â ni, dan arweiniad Dan Biddle, ac yn cael eu cefnogi gan Harrison Fairclough a Chynorthwyydd yr Academi Anabledd, Aash Nash, yng Nghanolfan Ganser newydd Felindre. Rhagorodd y rhaglen ar y disgwyliadau a dangosodd botensial anhygoel unigolion a allai fod wedi wynebu rhwystrau a oedd yn eu hatal rhag cael gwaith yn y gorffennol, neu a allai fod wedi cael eu diystyru gan y farchnad lafur. Cyrhaeddodd y cyfranogwyr â syniadau busnes amrywiol a oedd yn hyfyw o safbwynt masnachol a hefyd yn canolbwyntio ar greu effaith gymdeithasol ystyrlon a gwella bywydau pobl eraill. 

Trwy gydol y cwrs, roedd yn ysbrydoliaeth i wylio’r cyfranogwyr yn datblygu eu hyder, eu sgiliau a’u meddylfryd entrepreneuraidd. Roedd y cysyniadau busnes yn cynnwys dillad y gellir eu haddasu ar gyfer cleifion sy’n derbyn therapi, cynlluniau chwaraeon cadair olwyn, cynlluniau cyflogaeth i bobl ddall â’r nod o greu mwy o gyfleoedd i unigolion sydd â nam ar eu golwg, dillad isaf a gemwaith wedi’u cynllunio er mwyn cefnogi menywod sydd wedi profi trawma a heriau personol, atebion peirianyddol er mwyn lliniaru effeithiau newid hinsawdd, datblygiadau ystafell synhwyraidd, elusennau yn cael eu harwain gan wirfoddolwyr, a llawer mwy o fentrau cymdeithasol eu natur. Graddiodd pob un o’r cyfranogwyr yn llwyddiannus o’r academi ac maent yn parhau i ddatblygu eu syniadau busnes ’nawr, gan ddangos effaith barhaus y rhaglen a’i chyfraniad i feithrin arloesedd, cynhwysiant a chyfle yn ein cymuned. 

Heddiw, cafodd Jambori’r Haf y fraint o groesawu Mike Collins, artist adnabyddus gyda Marvel a DC Comics. Cafodd ei gyflwyno gan Dîm Budd Cymunedol Sacyr a Noddfa wrth iddo baratoi i arwain gweithdy dylunio comics ar gyfer pobl ifanc leol. 

Cyflwynodd Mike sesiwn ddiddorol ac ysbrydoledig, gan egluro technegau amrywiol a ddefnyddir gan artistiaid comics proffesiynol i gynllunio dyluniadau cymeriadau, cyfosodiadau, ac ystumiau yn gyflym. Roedd rhai o’i ddulliau’n cynnwys defnyddio cymeriadau wedi’u gwneud o linellau syml fel sylfaen ar gyfer osgo corff, gan arbrofi â llythrennau a siapiau i ddylunio cymeriadau unigryw, a hyd yn oed osod dotiau yma ac acw ar dudalen i helpu i bennu ystumiau a chyfansoddiad cymeriadau. 

Dangosodd hefyd sut y gall cefndiroedd syml a thechnegau fframio ychwanegu cymaint at y dull o adrodd storïau. Er enghraifft, gall defnyddio dinaslun llai y tu ôl i gymeriad bwysleisio ei faint, tra bo onglau a llinellau dynamig yn gallu creu ymdeimlad o gyflymder a symud. 

Yn ddiweddarach yn y gweithdy, rhannodd Mike enghreifftiau o’i bortffolio proffesiynol, gan arddangos paneli comic trawiadol a gwaith bwrdd stori. Roedd yr uchafbwyntiau’n cynnwys portread un ffrâm o hanes bywyd Neil Armstrong a byrddau stori a grëwyd ar gyfer Doctor Who. Eglurodd sut y defnyddir techneg byrddau stori mewn gwahanol rannau o’r diwydiant er mwyn cynllunio coreograffi golygfeydd, onglau camera, ac adrodd storïau gweledol cyn i’r ffilmio ddechrau. 

Yn dilyn yr arddangosiadau, gwahoddwyd y cyfranogwyr i greu eu cymeriadau eu hunain gan ddefnyddio’r technegau a gyflwynwyd gan Mike. Rhoddodd y sesiwn gipolwg gwerthfawr i bobl ifanc ar y broses greadigol y tu ôl i’r llyfrau comics ac adrodd storïau gweledol, gan eu hannog i ddatblygu eu sgiliau artistig a’u dychymyg eu hunain. 

Roedd y gweithdy’n llwyddiant ysgubol, ac yn ysbrydoli’r genhedlaeth nesaf o artistiaid ac adroddwyr storïau trwy ddysgu ymarferol ac arweiniad arbenigol gan un o’r crewyr comics uchaf ei barch yn y diwydiant. 

New Velindre Cancer Center - Newsletter 9

Elwodd Meithrinfa Grangetown o waith i adnewyddu ac adfer gardd yr ysgol, sef cynllun a gafodd ei ysgogi a’i gefnogi gan FP Hurley yn rhan o’i ymrwymiad i gefnogi ysgolion a chymunedau lleol. Roedd y gwaith a wnaethpwyd yn ystod yr wythnosau diwethaf yn canolbwyntio ar wella cyflwr a golwg yr ardd, gan greu amgylchedd awyr agored mwy croesawus a defnyddiol i’r disgyblion a’r staff. Gwnaethpwyd gwaith rhagorol wrth drawsnewid yr ardd a sicrhau y gall cymuned yr ysgol wneud defnydd llawn ohoni. 

Mae’r gwaith adfer wedi trawsnewid yr ardd i fod yn ardal fwy diddorol y gellir ei defnyddio ar gyfer dysgu awyr agored, chwarae a rhyngweithio cymdeithasol. O ganlyniad i wella’r man agored, mae disgyblion bellach yn cael mynediad at amgylchedd ysgogol sy’n cefnogi eu datblygiad, eu llesiant a’u cysylltiad â natur, ac mae hefyd yn ategu eu gweithgareddau ystafell ddosbarth ac yn cyfoethogi’r profiad cyffredinol o ddysgu. 

Er mwyn adeiladu ar y gwelliannau hyn, mae cynlluniau ar y gweill i gyflwyno rhagor o ddodrefn awyr agored a fydd yn gwneud yr ardd yn fwy defnyddiol eto a darparu mannau dynodedig ar gyfer dysgu, gweithgareddau grŵp ac ymlacio. Bydd yr ychwanegiadau hyn yn helpu i gynyddu’r defnydd o’r man agored a sicrhau bod disgyblion a staff yn parhau i elwa o amgylchedd awyr agored o ansawdd da.

Ymwelodd myfyrwyr o Ysgol Bryn y Deryn â’r safle yn ddiweddar i gymryd rhan mewn gweithdy gosod brics yn cael ei gyflwyno gan ein contractwyr Falcon 3, â’r bwriad o ysbrydoli diddordeb mewn adeiladu a helpu dysgwyr i ddechrau datblygu sgiliau ymarferol yn y diwydiant. 

Dechreuodd yr ymweliad â chyflwyniad a sgwrs am brosiect Canolfan Ganser newydd Felindre, lle bu’r dysgwyr yn archwilio camau amrywiol yn y broses adeiladu, dulliau adeiladu modern, a phwysigrwydd cynaliadwyedd yn y prosiect. Roedd y trafodaethau hefyd yn canolbwyntio ar y gyrfaoedd amrywiol sydd ar gael yn y diwydiant adeiladu ac yn herio stereoteipiau cyffredin sy’n gysylltiedig â’r diwydiant. 

Yn dilyn hyn cafwyd cyflwyniad ar iechyd a diogelwch, yn tynnu sylw at bwysigrwydd arferion gweithio diogel a’r defnydd o gyfarpar diogelu personol (PPE) ar safle adeiladu. 

Yna cyflwynwyd y myfyrwyr i aelodau o dîm Falcon, a arweiniodd y gweithdy gosod brics. Cafodd y grŵp arddangosfa ymarferol o dechnegau gosod brics cywir, gan gynnwys sut i ddefnyddio trywel a morter yn ddiogel ac yn effeithiol. 

Dangosodd y dosbarth eu bod yn frwdfrydig ac yn awyddus i ddechrau’r gweithdy ar unwaith, a datblygodd eu sgiliau yn fuan dan arweiniad tîm Falcon. Roedd y dysgwyr yn ymgysylltu’n gadarnhaol trwy gydol y sesiwn, a gwelwyd hwy’n meithrin hyder ac yn dangos cynnydd trawiadol mewn cyfnod byr. 

Dangosodd dau o’r myfyrwyr allu a brwdfrydedd eithriadol. Dywedodd tîm Falcon y byddent wedi bod yn ymgeiswyr cryf am rolau ar safle pe baent wedi bod o oed gweithio. Yn hytrach, cawsant eu hannog i ystyried prentisiaethau gosod brics, cyrsiau coleg sy’n gysylltiedig ag adeiladu, a chyfleoedd ar gyfer gyrfa yn y diwydiant yn y dyfodol sy’n briodol i’w hoedran a’u cyfnod ym maes addysg. 

Rhoddodd yr ymweliad brofiad dysgu ymarferol gwerthfawr, gan helpu dysgwyr i gael gwell dealltwriaeth o adeiladu, datblygu sgiliau ymarferol, ac archwilio llwybrau gyrfaol posibl yn y sector.

Ymwelodd dau aelod o’r Tîm Budd Cymunedol â Gerddi’r Santes Fair yn Heol yr Hen Eglwys, yr Eglwys Newydd, Caerdydd, yn ddiweddar i gwrdd â gwirfoddolwyr o Gyfeillion Gerddi’r Santes Fair a dysgu mwy am y gwaith sy’n cael ei wneud i adfer y man cymunedol pwysig hwn. Roedd yr ymweliad yn gyfle i drafod yr hyn a gyflawnwyd gan y grŵp, yr heriau presennol, a meysydd lle gellid cynnig cefnogaeth yn y dyfodol, gan gynnwys y posibilrwydd o adnewyddu neu osod gât newydd yng nghefn yr hen fynwent er mwyn gwella mynediad, diogelwch, a golwg gyffredinol y safle. 

Mae Gerddi’r Santes Fair ar safle hanesyddol eglwys a mynwent wreiddiol y Santes Fair, a fu’n gwasanaethu’r gymuned leol am dros  500 mlynedd. Ar ôl codi eglwys newydd yn 1885 a dymchwel yr hen un yn 1904, cafodd y safle ei esgeuluso am gyfnod maith a thyfodd yn wyllt. Ar ôl i Gyngor Caerdydd gymryd y safle drosodd yn 1972, cafodd yr ardal ei thrawsnewid yn ardd gyhoeddus, gan gadw nodweddion treftadaeth pwysig megis rhesi o gerrig beddi a choed aeddfed. Agorwyd y gerddi’n swyddogol yn 1974, a chawsant gydnabyddiaeth yn ddiweddarach ar ffurf gwobr Cymru yn ei Blodau. Yn y degawdau dilynol, fodd bynnag, o ganlyniad i lai o waith cynnal a chadw, gwelwyd dirywiad yng nghyflwr y safle, ynghyd ag ymddygiad gwrthgymdeithasol a llai o ddefnydd cymunedol. 

Mewn ymateb i hyn, aeth y trigolion lleol ati yn 2017 i helpu i adfer ac adfywio’r gerddi. Aelodau o Sefydliad y Merched yr Eglwys Newydd oedd yn arwain y gwaith ar y dechrau, a thrwy weithio mewn partneriaeth ag Adran Parciau Cyngor Caerdydd arweiniodd eu hymdrechion at sefydlu Cyfeillion Gerddi Eglwys y Santes Fair yn ffurfiol yn 2019. 

Heddiw, mae’r sefydliad sy’n cael ei arwain gan wirfoddolwyr yn cydlynu tua 20 o wirfoddolwyr rheolaidd ac yn chwarae rhan hanfodol yn y gwaith o gynnal a gwella’r safle hanner acer. Mae’r grŵp yn codi ymwybyddiaeth ac yn casglu arian, yn cefnogi gweithgareddau cynnal a chadw rheolaidd, ac yn gweithio er mwyn gwella arwyddocâd hanesyddol a bioamrywiaeth y gerddi, gan sicrhau eu bod yn parhau’n ased cymunedol gwerthfawr. 

Mae grant o £1,000 gan Thrive yn ddiweddar wedi cryfhau’r ymdrechion hyn ymhellach trwy ariannu man storio diogel ac offer garddio hanfodol. Mae’r buddsoddiad hwn wedi galluogi gwirfoddolwyr wedi’u hawdurdodi i ymgymryd â gweithgareddau cynnal a chadw rhwng sesiynau gwaith wedi’u trefnu, gan helpu i gynnal cynnydd a chynyddu perchnogaeth gymunedol o’r man hwn. 

Trwy ymroddiad y gwirfoddolwyr a chefnogaeth partneriaid lleol, mae Cyfeillion Gerddi’r Santes Fair wedi llwyddo i drawsnewid y safle yn fan gwyrdd diogel, croesawus, a llewyrchus. Mae eu gwaith yn parhau i sicrhau cydbwysedd rhwng cadw treftadaeth gyfoethog y gerddi ac anghenion y gymuned leol, gan ddod â budd i drigolion, ymwelwyr, a bywyd gwyllt fel ei gilydd. 

New Velindre Cancer Centre - Summary Monitoring Report - August 2026

Roeddem wrth ein bodd yn croesawu Ruby Gallimore i’n swyddfeydd ac i brosiect Canolfan Ganser newydd Felindre fel rhan o’i lleoliad profiad gwaith. 

Yn ystod ei chyfnod gyda ni, bu Ruby yn gweithio gyda’n Tîm Buddion Cymunedol a chyd-weithwyr o Gontractwyr Optimum, gan sicrhau dirnadaeth werthfawr o’r diwydiant adeiladu a phwysigrwydd ymgysylltu cymunedol mewn prosiectau seilwaith mawr. Trwy gydol yr wythnos, dangosodd frwdfrydedd, proffesiynoldeb a pharodrwydd i gymryd rhan mewn amrywiaeth o weithgareddau, gan ddod yn aelod gwerthfawr o’r tîm yn gyflym. 

Roedd lleoliad Ruby wedi cynnig profiad o’r byd go iawn iddi mewn amgylchedd adeiladu byw, ac roedd hefyd wedi cynnig y cyfle iddi ymgysylltu â gweithwyr proffesiynol uwch yn y diwydiant, gan gynnwys Cyfarwyddwr Rheoli Optimum, Simon Britton. Roedd hi hefyd wedi cynorthwyo gyda gweithgareddau allgymorth cymunedol a chyflawni rôl arweiniol wrth ddarparu sesiwn STEM mewn ysgol leol, gan helpu i ysbrydoli’r genhedlaeth nesaf o bobl ifanc i archwilio gyrfaoedd ym maes gwyddoniaeth, technoleg, peirianneg a mathemateg.  

Yn rhan o’i lleoliad, bu Ruby yn cydweithio’n agos â Harrison Fairclough, Cynorthwyydd Buddion Cymunedol, er mwyn helpu i greu prosiect cyfryngau ar gyfer Sacyr, a gynlluniwyd i arddangos llwyddiant yr Academi Entrepreneuraidd ac amlygu’r effaith gadarnhaol y mae’r rhaglen yn parhau i’w chael ar bobl ifanc ar draws y rhanbarth. 

Bu'r profiad yn fodd i Ruby feithrin sgiliau newydd, magu hyder, a chael dealltwriaeth ehangach o’r ystod eang o gyfleoedd o ran gyrfa sydd ar gael ym maes adeiladu, cyflawni prosiectau ac ymgysylltu cymunedol. Rydym yn falch o gefnogi cyfleoedd profiad gwaith sy’n helpu pobl ifanc i gael cyswllt ystyrlon â gweithleoedd a meithrin sgiliau a fydd o fudd iddynt yn eu gyrfa a’u haddysg yn y dyfodol. 

Hoffem ddiolch i Ruby am ei gwaith caled a’i hagwedd gadarnhaol trwy gydol yr wythnos a hoffem ddymuno pob llwyddiant iddi yn y dyfodol. 

Watch last month's construction progress!

Mwynhaodd myfyrwyr o Ganolfan Marion yn Ysgol Uwchradd yr Eglwys yng Nghymru Esgob Llandaf yng Nghaerdydd ymweliad â Chanolfan Ganser Newydd Felindre, lle buont yn dysgu am y diwydiant adeiladu a’r gyrfaoedd y mae’n eu cynnig.

Wedi’i drefnu gan Gynghorydd Ymgysylltu â Busnes Gyrfa Cymru, Adrien Cole, a’i gefnogi gan Dîm Buddion Cymunedol Sacyr UK, bu i’r ymweliad groesawu myfyrwyr o amryw o oedrannau ac anghenion dysgu. 

Rhoddodd Joanne O’Keefe, y Cydlynydd Buddion Cymunedol, gyflwyniad rhyngweithiol i’r myfyrwyr yn cyflwyno hanes y prosiect a thaith Canolfan Ganser Newydd Felindre, o’r camau cynllunio cychwynnol i’r gwaith adeiladu a’r weledigaeth ar gyfer y cyfleuster gorffenedig. Bu i’r myfyrwyr hefyd ddarganfod nifer o gyfleoedd o ran gyrfa yn y diwydiant adeiladu, gan gynnwys rolau megis adeiladwyr, trydanwyr, plymwyr, peirianwyr a phenseiri.

Ffocws allweddol y sesiwn oedd cynaliadwyedd, gyda’r myfyrwyr yn dysgu am ddeunyddiau adeiladu arloesol megis concrit cywarch (hempcrete), pren a cherrig gabion, ochr yn ochr ag ymrwymiad y prosiect i ddiogelu bywyd gwyllt, cynefinoedd a bioamrywiaeth lleol trwy gydol y gwaith adeiladu.

Yn dilyn y cyflwyniad, gwisgodd y myfyrwyr eu cyfarpar diogelu (PPE) ac, ar ôl briff ar ddiogelwch, aethant allan am daith dywys o amgylch y safle gyda’u hathrawon ac aelodau o dîm y prosiect. Trwy weld y safle adeiladu ar waith, daethpwyd â’r cyflwyniad yn fyw, gyda’r myfyrwyr yn gweld peiriannau mawr, gweithgareddau adeiladu a mesurau diogelu’r amgylchedd, gan gynnwys trefniadau i ddiogelu bywyd gwyllt a rheoli rhywogaethau planhigion ymledol.

Daeth y diwrnod i ben gydag arddangosiad ymarferol diddorol o fwrdd cylched trydanol a gyflwynwyd gan yr isgontractwr FP Hurley Electrical, gan roi cyfle i’r myfyrwyr archwilio sgiliau ymarferol sy’n cael eu defnyddio yn y diwydiant.

Roedd yr ymweliad yn brofiad gwerthfawr a phleserus, gyda llawer o’r myfyrwyr yn gadael wedi’u hysbrydoli gan yr amrywiaeth o gyfleoedd sydd ar gael yn y diwydiant adeiladu. 

Watch last month's construction progress!

New Velindre Cancer Centre - Summary Monitoring Report - July 2026

Mae Joanne O’Keefe, Cydlynydd Budd Cymunedol Sacyr UK, a Harrison Fairclough, y Cynorthwyydd Budd Cymunedol, wedi ffurfio partneriaeth gyda Gyrfa Cymru er mwyn gweithredu eu rhaglen ffug gyfweliadau.  Mae’r rhaglen hon yn darparu cyfweliadau ymarfer i fyfyrwyr, ynghyd ag adborth wedi’i bersonoli, i’w helpu i baratoi ar gyfer cyflogaeth yn y dyfodol a chyfleoedd ar gyfer prentisiaeth.

Fel rhan o’r fenter hon, ymwelodd staff o Sacyr UK a Gyrfa Cymru ag Ysgol Nant-gwyn i gynorthwyo myfyrwyr Blwyddyn 10 i ddatblygu eu sgiliau cyfweliadau proffesiynol ac archwilio llwybrau gyrfa posibl. Rhannwyd y myfyrwyr yn grwpiau yn ôl y gyrfaoedd roedd ganddynt ddiddordeb ynddynt, gan ganolbwyntio’n benodol ar y rhai a oedd yn awyddus i gael gyrfa ym maes peirianneg.

Yn ystod y sesiynau ffug gyfweliadau, aseswyd y myfyrwyr ar sail nifer o wahanol gymwyseddau proffesiynol, gan gynnwys cyfathrebu, cyflwyniad, hyder, cwblhau CV a thaflenni gwybodaeth. Yn ychwanegol at hyn, aseswyd eu gallu i fynegi eu sgiliau, eu huchelgeisiau a’u dyheadau gyrfaol hirdymor. Roedd y cyfweliadau’n archwilio graddau disgwyliedig y myfyrwyr, eu huchelgeisiau hirdymor, a’r llwybrau roedd arnynt eu hangen er mwyn mynd ymlaen i’w meysydd peirianneg.

Roedd y safon gyffredinol a ddangoswyd gan y myfyrwyr yn drawiadol iawn, ac roedd llawer yn arddangos hunanymwybyddiaeth gref, proffesiynoldeb, a dealltwriaeth glir o’u huchelgeisiau ar gyfer y dyfodol. Roedd nifer o ymgeiswyr yn amlygu eu hunain oherwydd eu brwdfrydedd, eu hyder a’u gwybodaeth fanwl am y sectorau peirianneg roeddent yn gobeithio ymuno â hwy, ynghyd â chyflawniadau academaidd disgwyliedig yn gyson â’u nodau gyrfaol. 

O ganlyniad, mae cyfleoedd yn cael eu harchwilio ar hyn o bryd i alluogi nifer dethol o fyfyrwyr i gael cysylltiad pellach â’r diwydiant trwy ymweliadau safle posibl neu gyfleoedd i wirfoddoli ar safle Canolfan Ganser newydd Felindre, gan helpu i wella eu profiad ymarferol a chefnogi eu datblygiad proffesiynol parhaus.

Dear Residents,

Thank you for your continued patience and understanding as construction of the new Velindre Cancer Centre progresses.

We would like to let you know that an extension to the project's Section 61 consent has been approved. This allows certain internal construction activities to continue outside of our standard working hours from 13 July 2026 until 31 August 2026. The approved activities are limited to Internal Mechanical and Electrical (M&E) installation works (first and second fix) and Associated internal fit-out works.

The approved extended working hours are:

• Monday to Friday: 6:00pm – 8:00pm
• Saturday: 1:00pm – 4:00pm

These extended hours relate to specific internal activities only, helping to support the safe and efficient delivery of the project.
Unlike the current Section 61 consent, facade lifting operations will no longer take place after 6:00pm.

We remain committed to being considerate neighbours and will continue to do everything we can to minimise disruption while delivering this important new facility for South East Wales.

Thank you once again for your continued support and understanding.

Danfonodd Joanne O’Keefe, Cydlynydd Budd Cymunedol Sacyr UK baledi a deunyddiau pren i Ganolfan Gymunedol Penrhys, gan gryfhau cefnogaeth i raglenni ymgysylltu â phobl ifanc y ganolfan. 

Caiff y deunyddiau a roddwyd eu defnyddio mewn gweithdai ymarferol sydd wedi’u dylunio er mwyn dysgu sgiliau cydosod a gwaith coed sylfaenol i bobl ifanc, gan gynnwys gwneud bocsys blodau a meinciau ar gyfer yr ardd. Nod y gweithgareddau ymarferol hyn yw hybu gwaith tîm, meithrin hyder, a datblygu galluoedd ymarferol gwerthfawr yn y gymuned leol.

Yn dilyn yr ymateb cadarnhaol i’r rhodd gychwynnol, nododd y Tîm Budd Cymunedol gyfle i wella’r rhaglen ymhellach. Cafwyd paledi eraill o ansawdd da a darnau o bren 4x4 yn uniongyrchol o safle’r prosiect er mwyn gwella gwydnwch a safon yr eitemau a oedd yn cael eu creu gan y cyfranogwyr. Bydd y cyfraniad hwn yn helpu i sicrhau bod y bobl ifanc sy’n cymryd rhan yn gallu gweithio gyda deunyddiau dibynadwy wrth gael profiad o waith adeiladu a dylunio.

Mae’r gefnogaeth barhaus yn adlewyrchu ymrwymiad Sacyr i fuddsoddi mewn cymunedau lleol a chreu cyfleoedd i ddatblygu pobl ifanc trwy gynlluniau cynaliadwy, sy’n canolbwyntio ar y gymuned.

Yn ôl Joanne: “Rydyn ni wedi mwynhau cefnogi’r fenter hon gan fod cysylltiad mor agos rhwng y fenter a’r hyn rydyn ni’n ei wneud bob dydd ar y safle, annog pobl ifanc i ymuno â’r diwydiant a gweld adeiladu fel llwybr gyrfa. Rydw i hefyd wedi mwynhau danfon yr eitemau gan fy mod wedi cael gyrru’r fan!”

Ymwelodd Joanne O’Keefe a Harrison Fairclough, o Dîm Budd Cymunedol Sacyr, â Hosbis Plant Tŷ Hafan er mwyn adolygu cynnydd â’r wal newydd o amgylch yr ardd ac i weld â’u llygaid eu hunain y gwelliannau parhaus sy’n cael eu gwneud ar y safle. 

Yn ystod yr ymweliad, cawsant eu harwain o amgylch cyfleusterau’r hosbis, lle cawsant well dealltwriaeth o’r cymorth hanfodol a’r gofal eithriadol a ddarperir i blant â chyflyrau sy’n byrhau eu hoes ac i’w teuluoedd. 

Roedd y daith yn cynnwys ymweliad â llety’r hosbis, sy’n cynnig amgylchedd cynnes a chefnogol i deuluoedd yn ystod eu harhosiad. Cafodd y tîm hefyd weld y cyfleusterau hydrotherapi arbenigol, gan gynnwys y pwll therapi dŵr, sy’n darparu buddion therapiwtig, a chyfle i blant ymlacio a mwynhau eu hunain mewn amgylchedd diogel a hygyrch. Yn ychwanegol at hyn, cawsant archwilio nifer o leoedd i gefnogi teuluoedd, ardaloedd synhwyraidd, a’r gerddi hardd sy’n helpu i greu awyrgylch heddychlon a chefnogol yn yr hosbis.

Prif bwrpas yr ymweliad oedd gweld y cynnydd â phrosiect wal yr ardd, sydd wedi’i dylunio er mwyn gwella preifatrwydd, diogelwch, ac edrychiad cyffredinol y mannau awyr agored. Mae’r wal wedi’i hadeiladu’n arbenigol gan is-gontractwyr Canolfan Ganser newydd Felindre, Nelco a JG Fencing, ac mae eu gwaith cywrain a’u sylw i fanylion yn amlwg ym mhobman. Bydd eu gwaith yn cyfrannu tuag at amgylchedd diogel ac atyniadol i’r plant, y teuluoedd, a’r staff sy’n defnyddio cyfleusterau awyr agored yr hosbis, gan sicrhau bod y tir o amgylch yr hosbis yn parhau’n lle croesawus a thawel i bawb sy’n ymweld â Thŷ Hafan. Chwaraeodd cwmni SGM Waste Management ran bwysig er mwyn cefnogi’r prosiect hefyd trwy glirio gwastraff yn effeithlon, gan helpu i gadw’r safle’n glir ac yn ddiogel trwy gydol y broses adeiladu.
 

Three students from Ysgol Nantgwyn in Tonypandy, Theo Summers, Mackinlie Perry, and Harvey Jones, recently visited the new Velindre Cancer Centre (nVCC) as part of the Careers Wales Mock Interview programme. 

Along with the Head of Year 10 Susie Valentine, they went along to the project site to take part in the initiative that assesses students across key professional competencies, including communication, presentation, confidence, and their ability to articulate their skills, ambitions, and career aspirations. 

All students demonstrated a strong self-awareness, professionalism, and a clear interest in pursuing careers within the construction industry. As a result, a unique, one-off opportunity was created for them to gain further industry exposure through a site visit, supporting their practical experience and ongoing development. 

Joanne O’Keefe, Community Benefits Co-ordinator, delivered a presentation on the nVCC, its environmental and social commitments and future impact on the community. Gordon and Joshua from Sacyr’s Health and Safety Team also showed the students around designated safe areas of the site. 

The students showed strong curiosity and engagement, asking questions about the construction processes, site operations, and the day-to-day role of workers on site. Of particular interest were the specialist rooms being constructed for future MRI equipment, where brickwork combined with lead lining will provide protection from radiation, demonstrating the complexity of healthcare construction. 

The group also explored areas designed to maximise natural light and incorporate elements of nature, supporting patient wellbeing, mental health and recovery, in contrast to the more enclosed environments traditionally associated with hospital settings. 

Overall, the visit was highly valuable with Theo, Mackinlie, and Harvey, all expressing genuine appreciation for the opportunity. They have already indicated their interest in returning before the project’s completion and the end of their school year. 

Ymwelodd dysgwyr blwyddyn 9 o raglen Dyfodol Ysgol Gyfun Brynteg â safle datblygu Canolfan Ganser newydd Felindre yn yr Eglwys Newydd yn ddiweddar er mwyn cael mewnwelediad i’r diwydiant adeiladu a chynnydd y ganolfan ganser newydd. 

Yn ystod y sesiwn, bu’r dysgwyr yn archwilio gwahanol gamau adeiladu, dulliau adeiladu modern, a phwysigrwydd cynaliadwyedd yn y prosiect. Roedd y trafodaethau hefyd yn canolbwyntio ar yrfaoedd yn y diwydiant adeiladu a herio stereoteipiau yn y diwydiant. Roedd yn ddiddordeb clywed mai dim ond 19% o’r gweithlu adeiladu sy’n fenywod ar hyn o bryd, ac mai menywod yw 30% o’r tîm swyddfa ar brosiect Canolfan Ganser newydd Felindre. Roedd y sgyrsiau hyn yn annog dysgwyr i feddwl am gynhwysiant, gwaith tîm, a’r ystod eang o gyfleoedd sydd ar gael yn y diwydiant adeiladu. 

Dysgodd y grŵp hefyd am ddeunyddiau cynaliadwy sy’n cael eu defnyddio ar y safle, gan gynnwys pren, concrit cywarch (hempcrete), a cherrig ar gyfer caergewyll, ynghyd ag ymrwymiadau amgylcheddol y prosiect a chynlluniau i greu to byw yn y dyfodol. 

Daeth yr ymweliad i ben â thaith dywys o amgylch llwybr y safle, lle cafodd y dysgwyr gyfle i weld y cynnydd â’r gwaith adeiladu â’u llygaid eu hunain a chymryd rhan mewn gweithgareddau rhyngweithiol sy’n gysylltiedig â rolau adeiladu, deunyddiau, a diogelwch ar y safle. 

Roedd un canlyniad cadarnhaol iawn yn dilyn yr ymweliad yn ymwneud â myfyriwr o’r enw Rhys, a fynegodd ddiddordeb mawr mewn trwsio peiriannau sugno llwch ar ôl siarad ag aelodau o dîm y safle. Er mwyn cefnogi ei frwdfrydedd, trefnodd tîm y prosiect bod Josh, Rheolwr y Tîm Glanhau, yn rhoi peiriant sugno llwch a oedd wedi torri i Rhys i’w alluogi i ddatblygu ei sgiliau ymarferol a’i ddiddordeb mewn atgyweirio ymhellach. 

Bu Stantec a Turley, dau aelod o gonsortiwm Acorn yn cydweithio fel rhan o gynllun gwirfoddoli 100 Diwrnod Sacyr UK yn y prosiect Llamau ym Margod. Yn ystod y diwrnod daeth chwe gwirfoddolwr o Stantec a phedwar o Turley at ei gilydd i gydweithio er mwyn gwella’r amgylchedd i ddefnyddwyr y gwasanaeth a’r staff. 

Trwy gydol y diwrnod, bu’r gwirfoddolwyr yn canolbwyntio ar beintio ac adfywio ardaloedd a rennir yn un o brosiectau llety â chymorth Llamau. Mae eu hymdrechion wedi helpu i drawsnewid ardaloedd a rennir yn amgylcheddau goleuach, cynhesach, a mwy croesawus i bobl ifanc sy’n defnyddio’r cyfleusterau bob dydd. 

Dywedodd Barbara Redmore, Rheolwr Partneriaethau Corfforaethol yn Llamau, ei bod yn gwerthfawrogi cyfraniad y tîm: 

“Waw! Diolch yn fawr i chi i gyd am wirfoddoli gyda ni heddiw! Roeddech yn anhygoel o garedig, cadarnhaol ac ymroddedig wrth gwblhau’r dasg dan sylw ac rydyn ni’n gwerthfawrogi’n fawr eich bod wedi rhoi eich amser i helpu un o’n prosiectau llety â chymorth. Bydd ein pobl ifanc yn falch o weld eu hystafell fyw ar ei newydd wedd. Mae’n sicr yn lle cynhesach a mwy croesawus iddyn nhw dreulio eu hamser.” 

Mae’r cynllun yn dangos yr effaith gadarnhaol y gall gwirfoddoli ar y cyd ei gael mewn cymunedau lleol ac yn adlewyrchu ymroddiad parhaus partneriaid y consortiwm i gefnogi prosiectau gwerth cymdeithasol sy’n helpu pobl eraill.